Од своето основање во 2020 година, Мрежата на фестивали од Јадранскиот Регион работи на зајакнување на регионалната соработка, промовирање на кинематографските вредности и зголемување на видливоста и циркулацијата на истакнати европски филмови низ Јадранскиот Регион. Преку заеднички програми, одбрани селекции и награди, Мрежата го поттикнува развојот на публиката, ги поддржува регионалните таленти и го засилува културното влијание на своите фестивали членки, во кои спаѓа и ИФФК „Браќа Манаки“. 

Оваа година Мрежата на фестивали од Јадранскиот Регион ќе прикаже вкупно седум филма низ своите заеднички програми: еден филм во селекцијата „Југословенски класици“, еден во секцијата „Екоскоп“ реализирана во соработка со фестивалот „Зелена визија“ во Постдам и пет филма што се натпреваруваат за „Наградата на јадранската публика“ што ја поддржува регионалната дистрибуција на победничкиот наслов, избран преку комбинираните гласови на публиката на фестивалите членки. Избраните филмови потекнуваат од европски земји со продукциски капацитети на средно ниво и беа внимателно одбрани за да се истакнат нови уметнички гласови и смело раскажување приказни, нудејќи наративи што резонираат со широка и разновидна публика. 

ИФФК „Браќа Манаки“ е член од Мрежата фестивали од Јадранскиот Регион, заедно со фестивалите во Сараево, Загреб, Љубљана, Тирана и фестивалот на авторски филм во Белград, како и амбасадорите на Мрежата: Филмскиот фестивал во Херцег Нови и „Пезаро филм фестивал“.