С. Македонија | 2024 | 20’
Кинематографер: Сергеј Сарчевски | Режисер: Трифун Ситниковски
Како што Надија се приближува кон крајот на своето средношколско патешествие, таа е соочена со клучна одлука што целосно ќе ја обликува нејзината иднина. Дали треба да остане во својот роден град меѓу познатото и нејзините стари пријатели? Или треба да замине во странство и да студира? Едно момче ја прави оваа одлука особено тешка да се донесе.
Индонезија | 2023 | 15’
Кинематографер: Анди Моч Палагуна | Режисер: Хози Ризал
Маж и жена кои се во брак 5 години поседуваат Одонг-Одонг велосипед и ги поминуваат деновите на карневалот забавувајќи туѓи деца и грижејќи се за нив, иако немаат сопствени. Со притисокот од роднините кои им се мешаат во животот, сомнежот во себе и една експлозивна расправија, тие откриваат зошто не биле благословени со дете.
Бразил | 2024 | 15’
Кинематографер: Хелсио Алемао Нагамине | Режисер: Андре Хајато Саито
На денот на финалето на Светското првенство помеѓу Бразил и Франција, Ерика Огихара, јапонско-бразилска тинејџерка која ги отфрла своите семејни традиции, доживува насилство кое како да е невидливо за сите други, што кај неа предизвикува болно море од емоции.
Шпанија | 2023 | 15’
Кинематографер: Алана Мехиа Гонзалез | Режисер: Гиљермо Гарсиа Лопез
Во Ла Кањада Реал, најголемата фавела во Европа, на периферијата на Мадрид, нема електрична енергија повеќе од една година. На светлината од огнот, Тони, 13-годишно момче, открива дека неговиот најдобар пријател Насер си заминува засекогаш. Меѓу ромските легенди за можна иднина, Тони бара начин да ја одржи врската со него.
Франција, Кина | 2024 | 15’
Кинематографер: Грим Вандекеркхов | Режисер: Вив Ли
Дува песочна бура, има недостиг од вода. Во еден оддалечен рударски град до кој не допираат радиосигнали, една чудна тинејџерка почнува да се интересира за возач на камион кој поминува низ местото.
С. Македонија | 2024 | 6’
Кинематографер: Душан Кардалевски | Режисер: Александра Кардалевска
Во срцето на еден стар град, случајната средба меѓу еден фотограф и една мистериозна девојка води до ноќ на заедничка интимност и конекција. Но, новиот ден открива скриена вистина, што фрла сенка врз нивната романса.
Хрватска, Шпанија | 2023 | 14’
Кинематографер: Алана Мехиа Гонзалез | Режисер: Андреа Славичек
Помеѓу проблеми со училиштето, драма со злобни девојчиња, заразни текстови на песни и мистериозен син автомобил, тинејџерката Лена, понекогаш расеана и отсутна, ни ја раскажува вистинската приказна зад Големата борба. Но што е тоа што таа не ни го кажува?
Иран | 2024 | 15’
Кинематографер: Адиб Собхани | Режисер: Мердад Кабири
Амир е ученик кој е понижен од страна на директорот на училиштето поради неговата состојба. Но, овој инцидент ја предизвикува неговата трансформација…
Естониа | 2022 | 20’
Кинематографер: Петер Колањи | Режисер: Ребека Румел
Кога Вера оди во советското одморалиште за да му се придружи на својот сопруг астронаут, Алексеј, летната идила е нарушена од сомнежите за сопругот, што тајно ѝ ја загорчуваат душата.
Франција | 2023 | 19’
Кинематографер: Кинан Масарани | Режисер: Пол Венсан де Лестрад
Максим има шеснаесет години. Како надежен пливач, тој е на пат да се запише на студиска програма за спорт. Едно попладне, полицијата го прекинува тренингот за да разговара со неговиот тренер, кој е обвинет за сексуална злоупотреба од страна на еден од младите пливачи во клубот.
С. Македонија | 2024
Кинематографер: Душан Кардалевски | Режисер: Васил Христов
Во туѓа земја, младата имигрантка Амра го губи целото семејство поради тоа што се решава да го следи својот хуман инстинкт за да ѝ помогне на една жртва во неволја.
Колумбија | 2023 | 15’
Кинематографер: Рајан Мари Хелфант | Режисер: Естебан Педраза
Во 1992 година, кога Колумбија се соочува со ера на насилство од бандите кои тргуваат со дрога, автомобили-бомби и секојдневни прекини на струјата, една млада мајка од Богота добива можност да стажира во САД и мора да одлучи дали ќе ги следи своите соништа или ќе остане со семејството.
Германија, Аргентина | 2024 | 20’
Кинематографер: Констанца Сандовал | Режисер: Агустина Санчез Хавиер
Некаде во Аргентина: додека се најавува затемнување на сонцето и околната шума продолжува да се уништува со сеча, неколку жени и едно мало момче се оставени самите да се грижат за себе. Кога сè пропаѓа, луѓето се држат и за најмалиот знак на виталност.
Косово | 2024 | 16’
Кинематографер: Самир Карахода | Режисер: Самир Карахода
Татко и син одат кон аеродромот за да земат подарок испратен од странство од кумот на синот. Меѓу бирократските пречки, со мала или никаква надеж за вистински политички и социјални промени во земјата, тие наоѓаат утеха и сила во нивниот заеднички оптимизам за иднината.
