Постапокалиптичниот свет е поделен меѓу остатоци од градови и земјоделски зони, двете фракции се управувани од корпорации и елити. Преживеаните во нив се движат низ стратифицирано општество по одвивањето на катастрофален настан, во спрега меѓу телесноста и метафизичкото постоење, меѓу науката и духовноста, под импресии од исламскиот мистицизам. Филмот го предводи Ерол, научник што работи за големата корпорација, задолжена за развој на генетски модифицирани семиња, кои сè уште можат да растат во суровата средина, додека не започнат да се самоуништуваат. Ерол дознава за негов субверзивен поранешен колега, кој го напуштил својот живот во градот и избегал во мртвата зона, каде што ништо не успева и тешко се доаѓа до храна. Ерол заминува во потрага по овој енигматичен човек.