Не е лесно да се најде лауреат за оваа награда а да не се направи пропуст, бидејќи критериумот е многу висок и таков треба да остане. Кирил Џајковски е добитник на годинашната награда „Голема ѕвезда на македонскиот филм“, признание за неговиот исклучителен придонес кон македонската филмска музика и култура.
Џајковски е филмски композитор, но, пред сѐ, познат скопјанец, творец на културната сцена и културниот профил на нашиот град и на нашата држава. Го знаеме од неговиот бенд „Бастион“, потоа се појави во „Леб и сол“ во албумот „Како какао“ и направи еден извонреден исчекор за овој скопски бенд, потоа почна да работи на театарски претстави и на филмското платно, а за неговите диџејски и соло проекти воопшто да не зборуваме. Синоним за современиот македонски звук, Џајковски е еден од најзначајните композитори и продуценти, познат по спојот на традиционални балкански мотиви со современи електронски ритми. Неговата музика е составен дел од најгледаните македонски филмови, меѓу кои „Бал-кан-кан“ и „Трето полувреме“ на Дарко Митревски, „Прашина“, „Врба“ и „Сенки“ на Милчо Манчевски, „Големата вода“ и „Некрстени денови“ на Иво Трајков (за „Големата вода“ ја доби наградата за најдобра музика на Фестивалот во Валенсија), како и „Балканот не е мртов“ на Александар Поповски.
Неговото име ќе биде вброено меѓу досегашните добитници на престижната награда на ДФРМ: Кирил Ценевски, филмски режисер и сценарист (2013); Милчо Манчевски, филмски режисер и сценарист (2014); Дарко Марковиќ, карикатурист, сатиричар, филмски режисер (2015); Сајмон Пери, филмски продуцент (2016); „Вардар Филм“, продуцентска компанија (2017); Милица Стојанова, актерка (2018); Љупчо Константинов, композитор (2019); Столе Попов, филмски режисер и сценарист (2020), Северџан Бајрам, актер (2021), Горјан Тозија, филмски продуцент (2022) Лабина Митевска, актерка и продуцент (2023) и Димитар Грбевски, филмски и телевизиски монтажер (2024).
Со оваа награда, македонската филмска заедница ја истакнува и ја слави уникатната уметничка визија на Кирил Џајковски, кој со својата музика ја збогати филмската и културната меморија на Македонија.
Choosing a laureate for this award is never easy — the criteria are high, and they must remain so. This year’s winner of the “Great Star of Macedonian Film” award is Kiril Dzajkovski, honored for his exceptional contribution to Macedonian film music and culture.
Dzajkovski is not only a film composer, but also a renowned Skopje native and a creator who has shaped the cultural scene and profile of both the city and the country. Audiences first came to know him through the band Bastion, after which he joined Leb i Sol on the album Kako Kakao, making a remarkable artistic leap for the legendary Skopje group. He then turned to composing for theatre and film, in parallel with his acclaimed DJ and solo projects. A synonym for the contemporary Macedonian sound, Dzajkovski is one of the country’s most significant composers and producers, celebrated for fusing traditional Balkan motifs with contemporary electronic rhythms. His music is an inseparable part of some of Macedonia’s most beloved films, including Bal-Can-Can and Third Half by Darko Mitrevski, Dust, Willow, and Shadows by Milcho Manchevski, The Great Water and Unholy Days by Ivo Trajkov (winning Best Music at the Valencia Festival for The Great Water), as well as Punk’s Not Dead by Aleksandar Popovski.
His name now joins the distinguished list of previous recipients of this prestigious MFPA award: Kiril Cenevski (2013), Milcho Manchevski (2014), Darko Markovikj (2015), Simon Perry (2016), Vardar Film (2017), Milica Stojanova (2018), Ljupcho Konstantinov (2019), Stole Popov (2020), Severdzan Bajram (2021), Gorjan Tozija (2022), Labina Mitevska (2023), and Dimitar Grbevski (2024).
With this award, the Macedonian film community recognizes and celebrates the unique artistic vision of Kiril Dzajkovski, whose music has profoundly enriched the film and cultural memory of Macedonia.